વઘઇ

વઘઇ ભારત દેશના પશ્ચિમ ભાગમાં આવેલા ગુજરાત રાજ્યના દક્ષિણ ભાગમાં આવેલા ડાંગ જિલ્લામાં આવેલું નગર અને વઘઇ તાલુકાનું મુખ્ય મથક છે. વઘઇ ડાંગ જિલ્લાનું પશ્ચિમ દિશાનું પ્રવેશદ્વાર ગણાય છે.

વઘઇ
નગર
વઘઇ વઘઇનું ગુજરાતમાં સ્થાન
અક્ષાંશ-રેખાંશ: 20°46′N 73°29′E
દેશ	ભારત
રાજ્ય	ગુજરાત
જિલ્લો	ડાંગ
સરકાર
• પ્રકાર	તાલુકા પંચાયત
• માળખું	વઘઇ તાલુકા પંચાયત
વસ્તી
• કુલ	૧૦૦૦૦
પિનકોડ	૩૯૪૭૩૦
વિધાન સભા વિસ્તાર	ડાંગ
લોક સભા વિસ્તાર	વલસાડ

વઘઇ ગામનું બજાર

વઘઇ રેલ્વે માર્ગે સરા લાઇન નામથી જાણીતી નેરોગેજ રેલ્વે દ્વારા બીલીમોરા જંકશન સાથે જોડાયેલ છે. વઘઇ રાષ્ટ્રીય ધોરી માર્ગ નં. ૮ પર આવેલ ચિખલી સાથે રાજ્ય ધોરી માર્ગથી જોડાયેલ છે. આસપાસનાં ગામોનું કેન્દ્ર હોવાને કારણે વઘઇ ખાતે નાના પાયે બજાર પણ વિકસિત થયેલું છે. ઇમારતી લાકડાના વેપારમથક તેમ જ ડાંગ વિસ્તારના લોકોની જરૂરી દરેક ચીજ-વસ્તુઓ માટેના વેપારમથક તરીકે વઘઇ જાણીતું છે. સાપુતારા, નાસિક, શિરડી, આહવા, શબરી ધામ, સપ્તશૃંગી ગઢ, મહાલ, ગિરા ધોધ જેવાં ધાર્મિક તેમ જ પર્યટન સ્થળોની મુલાકાતે જનારા મુસાફરો વઘઇ થઇને જતા હોવાથી અહીં પ્રવાસીઓ પણ મોટી સંખ્યામાં જોવા મળે છે.

વઘઇના મહત્વના સ્થળો

• ગિરા ધોધ
• વનસ્પતિ ઉદ્યાન (આર્યુવેદીક વિભાગ સહિત)
• ઇમારતી લાકડાનું વેપારીમથક
• ડાંગ વન વિભાગના કાર્યાલયો તેમજ સો મિલ
• રેલ્વે સ્ટેશન, પ.રેલ્વે, નેરોગેજ
• સરકારી હાઇસ્કૂલ, સરકારી ખેતીવાડી કોલેજ
• સરકારી પોલિટેકનીક કોલેજ
• પ્રાથમિક શાળા, નિવાસી શાળા
• પ્રવાસી ઘર
• વન વિભાગ વિરામ ગૃહ
• સર્વ સેવા કેન્દ્ર સંચાલીત પૂણી કેન્દ્ર
• ચાર રસ્તા સર્કલ તેમ જ ગાંધીબાગ
• ડાંગ જિલ્લાની જંગલ સહકારી મંડળીઓનાં કાર્યાલયો
• આર.ટી.ઓ. ચેક-પોસ્ટ
• સામુહિક આરોગ્ય કેન્દ્ર

છબીઓ

• 
  વિકાસ પથ, વઘઇ
• 
  વઘઇ ગામ
• 
  બીલીમોરા-વઘઇ વચ્ચે દોડતી નેરોગેજ સરાગાડી
• 
  કીલાદ (નાની વઘઇ) ખાતે જૂના પૂલ પાસેથી ઓગસ્ટ ૧૬, ૨૦૦૮ના દિવસે કાંઠાભેર વહેતી અંબિકા નદી
• 
  ગીરા ધોધ વઘઇ-સાપુતારા રસ્તા પર
• 
  વનસ્પતિ ઉદ્યાન ખાતે જુનું એંજિન

ડાંગી સંસ્કૃતિનું દર્શન

આંબાપાડા ગામ અહીંથી સાપુતારા જવાના રસ્તાથી આશરે ૧ કિ.મી. અંદર આવેલ છે, જ્યાં ડાંગી સંસ્કૃતિનું દર્શન કરી શકાય છે. વળી અહીં અત્યંત સુંદર વાંસના રમકડાં બનાવતા કારીગરો પણ જોવા મળે છે. આંબાપાડા જવાનો રસ્તો વાંસના ગાઢ જંગલમાંથી પસાર થતો હોઇ ચાલતા જવાની ખૂબ જ મઝા પડે છે.

બાહ્ય કડીઓ

• ગુજરાત પ્રવાસન નિગમની વેબસાઇટ પર ગિરા ધોધ વિશે માહિતી સંગ્રહિત ૨૦૧૦-૦૧-૦૩ ના રોજ વેબેક મશિન
• ગુજરાત પ્રવાસન નિગમની વેબસાઇટ પર વનસ્પતિ ઉદ્યાન (બોટોનીકલ ગાર્ડન) વિશે માહિતી સંગ્રહિત ૨૦૧૦-૦૧-૦૩ ના રોજ વેબેક મશિન
• ગુજરાત પ્રવાસન નિગમની વેબસાઇટ પર કીલાદ (નાની વઘઇ) પ્રકૃતિ શિક્ષણ શિબિરસ્થળ વિશે માહિતી સંગ્રહિત ૨૦૧૦-૦૧-૦૩ ના રોજ વેબેક મશિન
• વઘઇ વિશે માહિતી ફોલીંગરેઇન ડોટકોમ પર