હર્ષ બ્રહ્મભટ્ટ

હર્ષ બ્રહ્મભટ્ટ (જન્મ: ૩૧ જુલાઈ ૧૯૫૪‌) ગુજરાતી કવિ, ગઝલકાર અને લેખક છે.

હર્ષ બ્રહ્મભટ્ટ
ગુજરાતી સાહિત્ય પરિષદ ખાતે, જૂન ૨૦૧૬
જન્મ	હર્ષ વાડીલાલ બ્રહ્મભટ્ટ ૩૧ જુલાઇ ૧૯૫૪ મહેસાણા, ગુજરાત
વ્યવસાય	કવિ, લેખક
ભાષા	ગુજરાતી, ઉર્દૂ
રાષ્ટ્રીયતા	ભારતીય
શિક્ષણ	એમ.એસસી
માતૃ શિક્ષણ સંસ્થા	ગુજરાત યુનિવર્સિટી
નોંધપાત્ર સર્જનો	જીવનનો રીયાઝ (૨૦૧૦) ઝાકળ ને તડકાની વચ્ચે
નોંધપાત્ર પુરસ્કારો	શયદા પુરસ્કાર (૨૦૧૦) કલાપી પુરસ્કાર (૨૦૧૨) ઉમા-સ્નેહરશ્મિ પુરસ્કાર (૨૦૧૨-૨૦૧૩) કુમાર સુવર્ણ ચંદ્રક (૨૦૧૫) ધનજી કાનજી ગાંધી સુવર્ણ ચંદ્રક (૨૦૧૫)
સહી

જીવન

તેમનો જન્મ મહેસાણામાં થયો હતો. તેઓ અમદાવાદમાં ગુજરાત સરકારના વહીવટી વિભાગમાં ફરજ બજાવીને નિવૃત્ત થયા છે અને હાલમાં રીલાયન્સ ઇન્ડસ્ટ્રીઝમાં સલાહકાર છે.

સર્જન

એમણે એકલતાની ભીડમાં, અંદર દીવાદાંડી, જીવનનો રીયાઝ (૨૦૧૦), ઝાકળ ને તડકાની વચ્ચે, મૌનની મહેફિલ જેવા કાવ્ય સંગ્રહો આપ્યા છે. તેઓ ગુજરાતી તથા ઉર્દૂ ભાષાઓમાં ગઝલોની રચના કરે છે. કંદિલ એમનો ઉર્દૂ શાયરીઓનો સંગ્રહ છે. સરગોશી (૨૦૦૬) એ કંદિલ પછીનો ગઝલ સંગ્રહ છે.

બાહ્ય કડીઓ

• હર્ષ બ્રહ્મભટ્ટ ગુજલિટ પર.