આમરણ (તા. જોડિયા)

આમરણ (તા. જોડિયા) ભારત દેશના પશ્ચિમ ભાગમાં આવેલા ગુજરાત રાજ્યના સૌરાષ્ટ્ર વિસ્તારમાં આવેલા જામનગર જિલ્લામાં આવેલા કુલ ૬ (છ) તાલુકાઓ પૈકીના એક એવા જોડિયા તાલુકામાં આવેલું એક ગામ છે. આમરણ ગામના લોકોનો મુખ્ય વ્યવસાય ખેતી, ખેતમજૂરી તેમ જ પશુપાલન છે. આ ગામમાં મુખ્યત્વે ઘઉં, જીરુ, મગફળી, તલ, બાજરી, ચણા, કપાસ, દિવેલા, રજકો તેમ જ અન્ય શાકભાજીના પાકની ખેતી કરવામાં આવે છે. આ ગામમાં પ્રાથમિક શાળા, પંચાયતઘર, આંગણવાડી તેમ જ દૂધની ડેરી જેવી સવલતો પ્રાપ્ય થયેલી છે.

આમરણ (તા. જોડિયા)
—  ગામ  —
આમરણ (તા. જોડિયા)  આમરણ (તા. જોડિયા)નું ગુજરાત અને ભારતમાં સ્થાન
અક્ષાંશ-રેખાંશ	22°41′57″N 70°18′06″E
દેશ	ભારત
રાજ્ય	ગુજરાત
જિલ્લો	જામનગર
તાલુકો	જોડિયા
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
વિસ્તાર • ઉંચાઇ	• 5 metres (16 ft)
સગવડો	પ્રાથમિક શાળા, પંચાયતઘર, આંગણવાડી, દૂધની ડેરી
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેતપેદાશ	ઘઉં, જીરુ, મગફળી, તલ, બાજરી, ચણા, કપાસ, દિવેલા, રજકો, શાકભાજી
કોડ • પીન કોડ • ૩૬૧૨__ • ફોન કોડ • +૦૨૮૯૩ • વાહન • જીજે - ૧૦

ઇતિહાસ

આમરણ નવાનગર રજવાડાંના ખવાસ કુટુંબના વારસોનું નિવાસ સ્થાન હતું, જે બ્રિટિશ શાસન દરમિયાન તેમના રાજ નીચે હતું.

આમરણ પ્રાચીન નગર છે અને મુસ્લિમ પીર દાવલ શાહની દરગાહ અહીં આવેલી છે. દાવલ શાહ મહમદ બેગડાના રાજદરબારી મલિક મહમદ કુરૈશીનો પુત્ર હતો. તેમનું મૂળ નામ મલિક અબ્દ-ઉલ-લતિફ હતું પરતું તેમણે દાવર-ઉલ-મુલ્ક નામ સુલ્તાન તરફથી મેળવ્યું હતું. તેઓ આમરણના ફોજદાર હતા અને તેમણે આજુ-બાજુના રાજપૂતો પર ભારે ધાક જમાવી હતી. તેમની હત્યા ૧૫૦૯માં રાજપૂત દ્વારા થઇ હતી અને તેમને મૃત્યુ બાદ દાવલ શાહ પીર તરીકે ઓળખવામાં આવ્યા. દાવલ શબ્દ એ તેમના અપાયેલા નામ દાવર-ઉલ-મુલ્કથી અપભ્રંશ થયેલ છે. તેમની દરગાહ આજે પણ ધાર્મિક સ્થળ તરીકે મુલાકાત લેવાય છે.

સંદર્ભ

આ લેખ હવે પબ્લિક ડોમેઇનમાં રહેલા પુસ્તકમાંથી લખાણના અંશો ધરાવે છે.: Gazetteer of the Bombay Presidency: Kathiawar. VIII. Printed at the Government Central Press, Bombay. ૧૮૮૪. પૃષ્ઠ ૩૫૬.