ઇલોલ (તા. હિંમતનગર)

ઇલોલ (તા. હિંમતનગર) ભારત દેશના પશ્ચિમ ભાગમાં આવેલા ગુજરાત રાજ્યના ઉત્તર પૂર્વ ભાગમાં આવેલા સાબરકાંઠા જિલ્લામાં આવેલા કુલ ૮ (આઠ) તાલુકાઓ પૈકીના એક એવા હિંમતનગર તાલુકામાં આવેલું એક ગામ છે. ઇલોલ ગામના લોકોનો મુખ્ય વ્યવસાય ખેતી, ખેતમજૂરી તેમ જ પશુપાલન છે. આ ગામમાં મુખ્યત્વે ઘઉં, જીરુ, બાજરી, કપાસ, દિવેલી તેમ જ શાકભાજીના પાકની ખેતી કરવામાં આવે છે. આ ગામમાં ત્રણ પ્રાથમિક શાળા, માધ્યમિક શાળા, પંચાયતઘર, આંગણવાડી તેમ જ દૂધની ડેરી જેવી સવલતો પ્રાપ્ય થયેલી છે. આ ઉપરાંત એક ખાનગી શાળા, સંતશ્રી ગોબરજી વણઝારા આશ્રમ શાળા પણ આવેલી છે.

ઇલોલ
—  ગામ  —
ઇલોલ  ઇલોલનું ગુજરાત અને ભારતમાં સ્થાન
અક્ષાંશ-રેખાંશ	23°35′42″N 72°57′44″E
દેશ	ભારત
રાજ્ય	ગુજરાત
જિલ્લો	સાબરકાંઠા
તાલુકો	હિંમતનગર
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
સગવડો	પ્રાથમિક શાળા, પંચાયતઘર, આંગણવાડી, દૂધની ડેરી
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેત-ઉત્પાદનો	ઘઉં, જીરુ, બાજરી, કપાસ, દિવેલી, શાકભાજી

ગામના નામ વિષેની વાયકા

આ ગામનું નામ ઇલોલ કેવી રીત પડ્યું તેનો ચોક્કસ ઇતિહાસ નથી, પરંતુ એક દંતકથા મુજબ આ સ્થળે એક ગાઢ જંગલ હતું. ત્યાં "ઇલો" નામનો એક રબારી ગાયો ચરાવવા આવ્યો હતો. અહીં એક વાઘની ખુબજ બીક હતી અને એ બીકને કારણે અહીંના સ્થાન પર માનવ વસવાટ થતો નહતો. આ વાઘનો ભેટો ઇલા રબારી સાથે થઈ ગયો, ઇલો રબારી મરણિયો થઈ વાઘ સાથે લડ્યો અને વાઘને મારી નાખ્યો. ત્યાર બાદ અહીં લોકોએ વસવાટ કર્યો. ઇલા રબારીના નામ પરથી આ ગામનું નામ ઇલોલ રાખ્યું.