ભોઇકા (તા. લીંબડી)

ભોઇકા (તા. લીંબડી) ભારત દેશના પશ્ચિમ ભાગમાં આવેલા ગુજરાત રાજ્યના સૌરાષ્ટ્ર વિસ્તારમાં આવેલા સુરેન્દ્રનગર જિલ્લામાં આવેલા કુલ ૧૦ (દસ) તાલુકાઓ પૈકીના એક એવા લીંબડી તાલુકામાં આવેલું એક ગામ છે. ભોઇકા ગામના લોકોનો મુખ્ય વ્યવસાય ખેતી, ખેતમજૂરી તેમ જ પશુપાલન છે. આ ગામમાં મુખ્યત્વે ઘઉં, જીરુ, વરિયાળી, બાજરી, કપાસ, દિવેલા, રજકો તેમ જ અન્ય શાકભાજીના પાકની ખેતી કરવામાં આવે છે. આ ગામમાં પ્રાથમિક શાળા, પંચાયતઘર, આંગણવાડી તેમ જ દૂધની ડેરી જેવી સવલતો પ્રાપ્ય થયેલી છે.

ભોઇકા
—  ગામ  —
ભોઇકા  ભોઇકાનું ગુજરાત અને ભારતમાં સ્થાન
અક્ષાંશ-રેખાંશ	22°33′21″N 71°48′03″E
દેશ	ભારત
રાજ્ય	ગુજરાત
જિલ્લો	સુરેન્દ્રનગર
તાલુકો	લીંબડી
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
સગવડો	પ્રાથમિક શાળા, પંચાયતઘર, આંગણવાડી, દૂધની ડેરી
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેત-ઉત્પાદનો	ઘઉં, જીરુ, વરિયાળી, બાજરી, કપાસ, દિવેલા, રજકો, શાકભાજી

ઇતિહાસ

ભોઇકા ઝાલાવાડ પ્રાંતનું છઠ્ઠા દરજ્જાનું અને વધુ બે ગામોનો સમાવેશ કરતું અને લીંબડીના ઝાલા રાજપૂતોના શાસન હેઠળનું રજવાડું હતું. બ્રિટિશ સમય દરમિયાન તે એજન્સી થાણાનું મુખ્ય મથક હતું.

અહીંના ગરાસિયાઓએ કિલ્લો બનાવવાનો શરૂ કર્યો હતો પરંતુ લીંબડીના શાસકોએ બાંધકામ રોકી પાડ્યું હતું. કિલ્લાના અવશેષો હજુ અહીં આવેલા છે. અહીં જુનાગઢના ઘોરી કુટુંબે બંધાવેલો એક મિનારો આવેલો છે. વખતસિંહજીના શાસન સમયે ભોઇકાના ઝાલાઓએ ભાવનગર રજવાડામાં કામ કર્યું હતું.

વસ્તી

૧૮૭૨માં ભોઇકાની વસ્તી ૨૧૬૯ અને ૧૮૮૧માં ૨૨૮૬ હતી. ૧૯૦૧માં ભોઇકાની વસ્તી ૩૦૧૩ હતી. રજવાડાની કુલ આવક ૨૦,૦૦૦ રૂપિયા હતી (મુખ્યત્વે જમીનમાંથી) અને તેમાંથી ૨,૧૩૨ રૂપિયાનો કર બ્રિટિશરો, જુનાગઢ રજવાડા અને સુખડી રજવાડાને ચૂકવવામાં આવતો હતો.

બાહ્ય કડીઓ

• Imperial Gazetteer on dsal.uchicago.edu - Kathiawar

આ લેખ હવે પબ્લિક ડોમેનમાં રહેલા પ્રકાશન Gazetteer of the Bombay Presidency: Kathiawar. VIII. Printed at the Government Central Press, Bombay. ૧૮૮૪. પૃષ્ઠ ૩૯૯. માંથી માહિતી ધરાવે છે.