વડાલી

વડાલી ભારત દેશના પશ્ચિમ ભાગમાં આવેલા ગુજરાત રાજ્યના સાબરકાંઠા જિલ્લાના વડાલી તાલુકાનું શહેર અને તાલુકાનું મુખ્ય મથક છે.

વડાલી
—  નગર  —
વડાલી  વડાલીનું ગુજરાત અને ભારતમાં સ્થાન
અક્ષાંશ-રેખાંશ	23°56′34″N 73°02′16″E
દેશ	ભારત
રાજ્ય	ગુજરાત
જિલ્લો	સાબરકાંઠા
તાલુકો	વડાલી તાલુકો
નજીકના શહેર(ઓ)	ઇડર
વિધાનસભા મતવિસ્તાર	વડાલી
વસ્તી	૨૦,૬૪૬ (૨૦૧૧)
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
વિસ્તાર • ઉંચાઇ	• 75 metres (246 ft)
સગવડો	પ્રાથમિક શાળા, માધ્યમિક શાળા, નગર પાલિકા, તાલુકા પંચાયત, બસ સ્ટેશન, રેલ્વે સ્ટેશન, પોલીસ સ્ટેશન, કોલેજ (સરકારી, વિજ્ઞાન, આઇટીઆઇ, પોલીટેકનિક)
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેત-ઉત્પાદનો	ઘઉં, જીરુ, બાજરી, કપાસ, દિવેલી શાકભાજી
કોડ • પીન કોડ • ૩૮૩૨૩૫ • ફોન કોડ • +૦૨૭૭૮

ઇતિહાસ

વડાલી ઇડરથી ઉત્તરમાં રહેલું પ્રાચીન નગર ગણાય છે, કદાચ તે ચીની પ્રવાસી હ્યુઆન ત્સાંગે માળવા અને વલભીની વચ્ચે મુલાકાત લીધી તે ઓ-ચા-લિ અથવા વડારી હશે. ૧૧મી સદીમાં તે મોટા રાજ્યનું કેન્દ્ર હતું.

પરમાર વંશના હરીપાલના પુત્ર સહનપાલે વિક્રમ સંવત ૧૨૬૪ (ઇ.સ. ૧૨૦૮)માં વડાલીમાં વૈદ્યનાથ મંદિરનો મંડપ બંધાવ્યો હતો.

નામ

વડાલીનું જૂનું નામ વત્પલી હતું, જે કાળક્રમે અપભ્રંશ થઈને વડાલી બન્યું.

ભૂગોળ

નજીકનું શહેર ઇડર આશરે ૧૩ કિમીના અંતરે આવેલું છે. વડાલી અંબાજીથી ૬૫ કિમીના અંતરે આવેલું છે.

આબોહવા

શિયાળામાં ઓછામાં ઓછું તાપમાન ૯^o સે. રહે છે. જ્યારે ઉનાળામાં સૂકી હવા તાપમાનમાં વધારો કરે છે જેના કારણે ઉનાળામાં મહત્તમ તાપમાન ૪૫^o સે. સુધી પહોંચી જાય છે. સામાન્ય રીતે અહીં વિષમ આબોહવા હોય છે.

ધાર્મિક સ્થળો

વડાલીમાં ઘણા મંદિરો અને જૈન દેરાસર આવેલા છે. અહીં ૪ અતિ પ્રાચીન દેરાસર છે. અમીઝરા પારસનાથના દેરાસર માટે એમ કહેવાય છે કે ત્યાં એક સમયે અમી (અમૃત) ઝરતાં હતાં. ત્યાં મણિભદ્ર દાદાની પ્રતિમા વિરાજે છે.

મુખ્ય વિસ્તારો

ધરોઈ ત્રણ રસ્તા, શ્રીનગર, સગર વાસ, ગાયાત્રીનગર, આંબેડકર નગર, ઉમિયાનગર, શાંતિ નગર, સ્વાયમ બંગલો, રામનગર, બજરંગપુરા વગેરે અહીંના મુખ્ય વિસ્તારો છે.