ઇખર

ઇખર ભારત દેશના પશ્ચિમ ભાગમાં આવેલા ગુજરાત રાજ્યના મધ્ય-દક્ષિણ ભાગમાં આવેલા ભરૂચ જિલ્લામાં આવેલા આમોદ તાલુકાનું ગામ છે. ઇખર ગામના લોકોનો મુખ્ય વ્યવસાય ખેતી, ખેતમજૂરી તેમ જ પશુપાલન છે. આ ગામમાં મુખ્યત્વે કપાસ, તુવર તેમ જ શાકભાજીના પાકની ખેતી કરવામાં આવે છે. આ ઉપરાંત કેટલાક ખેડૂતો પિયતની સગવડ મેળવી શેરડી, કેળાં, ડાંગર વગેરેની ખેતી પણ કરે છે. આ ગામમાં પ્રાથમિક શાળા, માધ્યમિક શાળા, પંચાયતઘર, આંગણવાડી તેમ જ દૂધની ડેરી જેવી સવલતો પ્રાપ્ય થયેલી છે. આ ઉપરાંત ગામમાં પાણીની ટાંકી, મસ્જીદ, રમતગમતનું મેદાન, કબ્રસ્તાન જેવી સવલતો ગામલોકોના સહકારથી ઊભી કરવામાં આવી છે.

ઇખર
—  ગામ  —
ઇખર  ઇખરનું ગુજરાત અને ભારતમાં સ્થાન
અક્ષાંશ-રેખાંશ	21°59′28″N 72°52′16″E
દેશ	ભારત
રાજ્ય	ગુજરાત
જિલ્લો	ભરૂચ
તાલુકો	આમોદ
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
સગવડો	પ્રાથમિક શાળા, પંચાયતઘર, આંગણવાડી, દૂધની ડેરી
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેતતપેદાશો	કપાસ, તુવર, શાકભાજી, શેરડી, કેળાં, ડાંગર

ભૂગોળ

આ ગામ રાષ્ટ્રીય ધોરી માર્ગ નં. ૮ પર આવેલા પાલેજથી આમોદ જતા રાજ્ય ધોરી માર્ગ પર આવેલું વિકસતું ગામ છે. આ ગામની આસપાસ દાંદા, માતર, સરભોણ જેવાં ગામો આવેલાં છે.

જાણીતા વ્યક્તિઓ

ભારત દેશની એકદિવસીય તેમજ ટેસ્ટ ક્રિકેટના ઝડપી બોલર મુનાફ પટેલ આ ગામના વતની છે, જેઓએ માત્ર ગામમાં જ ક્રિકેટનાં વિવિધ પાસાંની તાલીમ લઇ ભારત દેશની અગ્રિમ હરોળના રમતવીર બન્યા હતા.