મઢી

મઢી ભારત દેશના પશ્ચિમ ભાગમાં આવેલા ગુજરાત રાજ્યના સુરત જિલ્લામાં આવેલા કુલ ૯ (નવ) તાલુકાઓ પૈકીના એક એવા બારડોલી તાલુકામાં આવેલું ગામ છે. મઢી ગામમાં ચૌધરી, ગામિત, હળપતિ, પાટીદારો તેમ જ અન્ય વેપારી વર્ગની વસ્તી રહે છે. આ ગામના વ્યવસાયમાં મુખ્યત્વે ખેતી, ખેતમજૂરી અને પશુપાલન છે. આ ગામમાં ડાંગર, શેરડી, કેળાં, સૂરણ, પપૈયાં, કેરી તેમ જ શાકભાજી જેવાં ખેત-ઉત્પાદનોના પાક લેવામાં આવે છે. ગામમાં પ્રાથમિક શાળા, માધ્યમિક શાળા, મહાવિદ્યાલય (કોલેજ), પંચાયતઘર, આંગણવાડી તેમ જ દૂધની ડેરીની સવલતો પ્રાપ્ય છે. અહીં ખાંડ બનાવવાનું કારખાનું આવેલું છે, જે સહકારી ધોરણે ચાલે છે. મઢીની ખમણી આખા સુરત જિલ્લામાં વખણાય છે.

મઢી
—  ગામ  —
મઢી  મઢીનું ગુજરાત અને ભારતમાં સ્થાન
અક્ષાંશ-રેખાંશ	21°07′01″N 73°06′28″E
દેશ	ભારત
રાજ્ય	ગુજરાત
જિલ્લો	સુરત
તાલુકો	બારડોલી
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
સગવડો	પ્રાથમિક શાળા, પંચાયતઘર, આંગણવાડી, દૂધની ડેરી
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેત-ઉત્પાદનો	ડાંગર, શેરડી, પપૈયાં,કેરી કેળાં, સૂરણ તેમજ શાકભાજી

પરિવહન

મઢી સુરત-ભુસાવળ ટાપ્ટી લાઇન પરનું રેલ્વે સ્ટેશન છે, જે બારડોલી અને વ્યારા સ્ટેશન વચ્ચે આવે છે. અહીંથી વાપી-શામળાજી રાજ્ય ધોરી માર્ગ નં. ૫ અ પસાર થાય છે.