દેવગઢ (માંડવી,સુરત)

દેવગઢ (માંડવી,સુરત) ભારત દેશના પશ્ચિમ ભાગમાં આવેલા ગુજરાત રાજ્યના દક્ષિણ ભાગમાં આવેલા સુરત જિલ્લાના કુલ ૯ (નવ) તાલુકાઓ પૈકીના એક એવા માંડવી તાલુકામાં આવેલું એક ગામ છે. દેવગઢ ગામ રાજ્ય ધોરીમાર્ગ ૫ પર આવેલું છે. આ ગામમાં પ્રાથમિક શાળા, આંગણવાડી, પંચાયતઘર, દૂધની ડેરી વગેરે સવલતો પ્રાપ્ય છે. ગામના લોકો વ્યવસાયમાં મુખ્યત્વે ખેતી, ખેતમજૂરી, પશુપાલન જેવાં કાર્યો કરે છે. જુવાર, મગફળી, ડાંગર, ચણા, વાલ, તુવર અને અન્ય શાકભાજી અહીંનાં ખેત- ઉત્પાદનો છે. આ ઉપરાંત કેટલાક ખેડૂતો પિયતની સગવડ મેળવી શેરડી,ડાંગર વગેરેની ખેતી પણ કરે છે.

દેવગઢ
—  ગામ  —
દેવગઢ  દેવગઢનું ગુજરાત અને ભારતમાં સ્થાન
અક્ષાંશ-રેખાંશ	21°15′15″N 73°18′08″E
દેશ	ભારત
રાજ્ય	ગુજરાત
જિલ્લો	સુરત
તાલુકો	માંડવી
અધિકૃત ભાષા(ઓ)	ગુજરાતી,હિંદી[૧]
સમય ક્ષેત્ર	ભારતીય માનક સમય (+૦૫:૩૦)
સગવડો	પ્રાથમિક શાળા, પંચાયતઘર, આંગણવાડી, દૂધની ડેરી
મુખ્ય વ્યવસાય	ખેતી, ખેતમજૂરી, પશુપાલન
મુખ્ય ખેત-ઉત્પાદનો	જુવાર, મગફળી, ડાંગર, ચણા, વાલ, તુવર, શાકભાજી, શેરડી, કેળાં, ડાંગર

ગામની ભાગોળે દુધ મોગરા માતાજીનું મંદિર આવેલું છે.

ભૂગોળ

દેવગઢ ગામ વહેર નદીના કિનારે આવેલું છે. આ ગામ સ્ટેટ હાઇવે-૫ ઉપર આવેલ છે. માંડવીથી બસ દ્વારા નેત્રંગ, ઝંખવાવ, માંગરોળ, અંકલેશ્વર, રાજપીપલા વગેરે સ્થળોએ જઇ શકાય છે.